ԱԺ գյուղատնտեսական և բնապահպանական հարցերի մշտական հանձնաժողովում քննարկվեցին կառավարության երկու օրինագծեր


ԱԺ գյուղատնտեսական և բնապահպանական հարցերի մշտական հանձնաժողովում քննարկվեցին կառավարության երկու օրինագծեր

Մարտի 11-ին Մարտուն Գրիգորյանի նախագահությամբ տեղի է ունեցել ԱԺ գյուղատնտեսական եւ բնապահպանական հարցերի մշտական հանձնաժողովի հերթական նիստը, որտեղ քննարկվել եւ դրական եզրակացություն են ստացել ՀՀ կառավարության հեղինակած երկու օրինագծեր:

ՀՀ կառավարության աշխատակազմի «Օրենսդրության կարգավորման ազգային կենտրոն» ծրագրերի իրականացման գրասենյակ» պետական հիմնարկի տնօրեն Արմեն Եղիազարյանն առաջին ընթերցմամբ պատգամավորների քննարկմանն է ներկայացրել «ՀՀ հողային օրենսգրքում լրացումներ եւ փոփոխություններ կատարելու մասին» օրինագիծը, որով առաջարկվում է հստակեցնել օրենսգրքում առկա հակասությունները եւ պարզեցնել հողերի օտարման գործընթացը, մասնավորապես՝ կայացած համարել 1 գնորդով աճուրդը կամ մրցույթը: Առաջարկվում է կրճատել նաեւ համայնքի ղեկավարի կողմից հողերը լիազոր մարմնի հայտի ստացման պահից օգտագործման տալու չհիմնավորված ժամկետը՝ մեկ ամսից իջեցնելով 15 օր: Ըստ Արմեն Եղիազարյանի՝ առաջարկվող օրենսդրական կարգավորումը քաղաքացիների եւ գործարարների համար առաջարկելու է առավել կարգավորված եւ հստակեցված գործընթացներ, որոնց ընթացքում կպաշտպանվեն նրանց իրավունքները:

Պատգամավորները բարձրացրել են հողային ոլորտին վերաբերող մի շարք հարցեր: Մասնավորապես, պատգամավորներին հետաքրքրում էր, թե ինչ է լինելու օտարվող հողի օգտագործման վերաբերյալ պայմանագիր ունեցողի հետ, ինչ հեռանկար են ունենալու այն հողերը, որոնք ունեն սեփականատերեր, սակայն տարիներով մնում են անմշակ: Առաջարկ եղավ որոշակիորեն բարձրացնել այդպիսի՝ չմշակվող հողերի հարկը:

Նախագիծն ստացավ հանձնաժողովի դրական եզրակացությունը, այն կընդգրկվի ԱԺ հինգերորդ գումարման իններորդ նստաշրջանի եւ առաջիկա քառօրյա նիստերի օրակարգերի նախագծերում:
ՀՀ կառավարության աշխատակազմի «Օրենսդրության կարգավորման ազգային կենտրոն» ծրագրերի իրականացման գրասենյակ» պետական հիմնարկի տնօրեն Արմեն Եղիազարյանն առաջին ընթերցմամբ ներկայացրել է «Օրգանական գյուղատնտեսության մասին» ՀՀ օրենքում փոփոխություններ եւ լրացումներ կատարելու մասին» օրենքի նախագիծը: Արմեն Եղիազարյանի խոսքով՝ առաջարկվում է ներդնել օրգանական գյուղատնտեսությամբ զբաղվող տնտեսվարող սուբյեկտների հաշվառման գրանցամատյան, ինչպես նաեւ սերտեֆիկացման մարմին՝ օրգանական գյուղատնտեսության ոլորտում հավատարմագրում իրականացնող միջազգային կազմակերպությունների կողմից հավատարմագրված կազմակերպություն:

Օրենքների նախագծերն ստացել են դրական եզրակացություն եւ կընդգրկվեն ԱԺ հինգերորդ գումարման իններորդ նստաշրջանի եւ մարտի 14-17-ի քառօրյա նիստերի օրակարգերի նախագծերում:

Հանձնաժողովը հաստատել է նաեւ 2016 թվականի մարտ-հունիս ամիսներին ԱԺ գյուղատնտեսական եւ բնապահպանական հարցերի մշտական հանձնաժողովի անդամների կողմից ՀՀ քաղաքացիների ընդունելության ժամանակացույցը:

Աղբյուրը՝ parliament.am


Դիտումներ` 1693
Ամսաթիվ` 11-03-2016, 16:49
Տարածել սոցիալական ցանցերում:


Նմանատիպ այլ նյութեր:

Փորձի փոխանակում ԱԺ ԳԲ հանձնաժողովում

ԱԺ ԳԲ հանձնաժողովի հերթական նիստում. խնդրի քննարկումը հետաձգվեծ 1 տարով

ՀԱՆՁՆԱԺՈՂՈՎԻ ՆԻՍՏ ԳՅՈՒՄՐԻՈՒՄ

ԿԱՌԱՎԱՐՈՒԹՅՈՒՆԸ ՓՈՓՈԽՈւԹՅՈւՆՆԵՐ Է ԱՌԱՋԱՐԿՈւՄ

ՔՆՆԱՐԿՈւՄՆԵՐ ՆՍՏԱՇՐՋԱՆԻՑ ԱՌԱՋ

Copyright © 2012 www.martungrigoryan.am | E-mail: info@martungrigoryan.am
developed by COMP-WEB Service
համակարգիչների վերանորոգում և ծրագրային սպասարկում, < a href="http://kayqeri-patrastum.comp-web.ru">Վեբ կայքերի պատրաստում և առաջխաղացում