ՀԱՐԳԱՆՔԻ ՏՈՒՐՔ ԵՂԵՌՆԻ ԶՈՀԵՐԻՆ (Տեսանյութ)


Ամեն տարի  ապրիլի 24-ին  շիրակցիները և լոռեցիները հարգում են Մեծ Եղեռնի անմեղ զոհերի հիշատակը` այցելելով  Ջարդի ձոր, որտեղ  նաև իրենց խոնարհումն են բերում ԱԺ  պատգամավոր, ԲՀԿ ՇՄ խորհրդի նախագահ Մարտուն Գրիգորյանը, ԱԺ պատգամավոր ԲՀԿ անդամ Ռոբերտ Զաքարյանն  ու թիմակիցները: Բացառություն  չէր նաև այս ապրիլի 24-ը` Եղեռնի 95-ամյա տարելիցի օրը:  Շարունակվեց Եղեռնի օրը Ջարդի ձոր մեկնել ցանկացողներին անվճար տրանսպորտով ապահովելու բարեսիրական ակցիան, որը արդեն տարիներ շարունակ իրականացվում է Մարտուն Գրիգորյանի և « Տրանս-Ակնթարթ» ընկերության կողմից:  Երթն  սկսվեց մարզային խորհրդի նոր գրասենյակից,  որի հանդիսավոր բացումը  կկայանա մոտ օրերս:  Բարգավաճականները  նախ եղան Գյումրու  կենտրանական հրապարակում, Յոթվերք  եկեղեցու հարևանությամբ  Մարտուն  Գրիգորյանի հովանավորությամբ կառուցված հուշարձանի մոտ , ծաղկեպսակ  և ծաղիկներ դրեցին նաև  ի հիշատակ Մեծ Եղեռնի զոհերի տեղադրված խաչքարին, ապա Առաջնորդանիստ եկեղեցում մասնակցեցին պատարագին և  կատարվեց մոմավառություն:  Ճանապարհը շարունակեցին դեպի Ջարդի ձոր: Այստեղ նույնպես կատարվեց պսակադրության արարողություն:

ԲՀԿ  մարզային խորհրդի նախագահն ու անդամները միացան աշխարհասփյուռ  հայության մեծ ուխտին` հիրավի, հիշատակն արդարոց օրհնությամբ եղիցի:

1915թ-ին այստեղ նույնպես տեղի են ունեցել  սահմռկեցուցիչ  ողբերգական իրադարձություններ: Ըստ վկայությունների զինված թուրքերը հայ տղամարդկանց  տարել են այն ժամանակ Արախվալի կոչվող ձորը, սպանել , հետո  ուրախ-ուրախ վերադարձել գյուղեր: Եվ որպեսզի բոլորն իմանան  իրենց «քաջագործությունների»  մասին  ոճրագործները  վզներից  չոբախ   էին  կախում, թմբուկի նման մի գործիք, որի արձագանքները ազդարարում էին  հերթական  նախճիրի մասին:

Եղեռնի զոհերի հիշատակի ու ոգեկոչման միջոցառումները  շարունակվեցին ապրիլի 25-ին, Բայանդուրի գյուղապետ ԲՀԿ կուսակցության  ներկայացուցիչ  Հովակիմ Սարգսյանի հրավերով  գյուղ այցելեցին պատգամավոր Մարտուն Գրիգորյանը, կուսակցության մարզային խորհրդի  նախագահի և մշակույթի հանձնաժողովի անմիջական նյութական և մասնագիտական աջակցությամբ էր իրականություն դարձել  օրվա խորհրդին հարիր, հիրավի հաջողված ներկայացումը, որի առաջին հանդիսատեսը եղան բարգավաճական հյուրերը:

Իր տպավորությունների շուրջ   հավաքվածների առջև ելույթ ունեցավ Մարտուն Գրիգորյանը:

Պատգամավորն այցելեց  նաև գյուղապետարան, ծանոթացավ գյուղի հոգսերին ու խնդիրներին, և պատրաստակամություն հայտնեց  հետ այսու ևս իր հնարավորությունների  ներածին չափով սատարել  բայանդուրցիներին:

Հյուրերը հաճույքով այցելեցին Մարտուն Գրիգորյանի աջակցությամբ ձեռք բերված  խեցեգործական  հաստոցներով համալրված կիրառական արվեստի դասարան, որն անշուշտ   կնպաստի ժողովրդական արհեստի այս հնագույն ճյուղի  վերածննդին:

Դիտել "ՀԱՐԳԱՆՔԻ ՏՈՒՐՔ ԵՂԵՌՆԻ ԶՈՀԵՐԻՆ" տեսանյութը (1):



Դիտումներ` 2877
Ամսաթիվ` 18-01-2014, 18:43
Տարածել սոցիալական ցանցերում:


Նմանատիպ այլ նյութեր:

ՀԱՐԳԱՆՔԻ ՏՈՒՐՔ

ՀԱՐԳԱՆՔԻ ՏՈՒՐՔ ԱՆՄԵՂ ԶՈՀԵՐԻՆ

ՈՒՇԱԴՐՈՒԹՅՈՒՆ ՀԱՐԱԶԱՏ ԲՈՒՀԻՆ

ԱՄԵՆԱՄՅԱ ՀՈԳԱԾՈՒԹՅՈՒՆ

ԽՈՍՔԸ՝ ԳՈՐԾ

Copyright © 2012 www.martungrigoryan.am | E-mail: info@martungrigoryan.am
developed by COMP-WEB Service
համակարգիչների վերանորոգում և ծրագրային սպասարկում, < a href="http://kayqeri-patrastum.comp-web.ru">Վեբ կայքերի պատրաստում և առաջխաղացում